Gəncə Olimpiya İdman Kompleksində, "Gəncə BK" və "AAAF Xırdalan BK" basketbolçuları arasında 17-ci turun növbəti oyunu baş tutub.

Rekord.az xəbər verir ki, Gəncə Şəhər Gənclər və İdman Baş İdarəsinin rəisi Həmid Nəsirov, Milli Məclisin üzvü Müşfiq Cəfərov, Gəncə-Daşkəsən Regional Təhsil İdarəsinin müdiri Anar Qədiməliyev, Baş İdarənin İdman sektorunun müdiri Vüqar Xəlilov, "Kəpəz Peşəkar Futbol Klubunun İdarə heyətinin sədri İlqar Nadiri, şəhər 1 və 2 nömrəli Uşaq-Gənclər İdman-Şahmat Məktəbi Publik Hüquqi Şəxslərin direktorları və idman ictimaiyyətinin nümayəndələri yarışı izləyiblər.

Nizami Yurdunun idmansevər sakinləri doğma azarkeş amilindən istifadə edərək, yeni transferlərinin parlaq oyunu ilə rəqibi üzərində 92-78 hesablı inamlı qələbə qazanlblar. İdman oyununda ən məhsuldar basketbolçular: "Gəncə BK" ( Cordan Endryus - 24 xal, 10 ribaund ), "AAAF Xırdalan BK" ( Endryu Korum - 21 xal, 12 ribaund ).