İntizam Komitəsinin növbəti iclası keçirilib.

Rekord.az xəbər verir ki, iclasda AFFA-nın bayrağı altında keçirilən müxtəlif yarışlarla bağlı aşağıdakı qərarlar qəbul edilib:

Region Liqasının “Mil” (Beyləqan) – “Hacıqabul” FK oyununda “Hacıqabul”un heyətində 11 nömrəli futbolçu Bəxtiyar İmanov qarşılaşmanın 88-ci dəqiqəsində hakimi təhqir etdiyinə görə qırmızı vərəqə alaraq meydançadan kənarlaşdırıldığı üçün 4 oyun cəzalandırılıb.

Region Liqasının “VT Gəncə” – “Balakən” FK oyunu başladıqdan 2 dəqiqə sonra polis əməkdaşları ərazini tərk etdiyinə görə oyun yarımçıq dayandırıldığı üçün matç dayandırıldığı dəqiqədən yenidən keçiriləcək.

Region Liqasının “Record” – “İrəvan” İK oyununda “Record”un futbolçusu Ramiz Qasımovun yerinə lisenziyası olmayan futbolçu oyuna daxil olduğuna görə “Record”a texniki məğlubiyyət verilib.

Region Liqasının “Cürət” FK - İCBFA oyununda “Cürət”in futbolçusu Murad İsayev qarşılaşmanın 45-ci dəqiqəsində hakimi təhqir etdiyinə görə qırmızı vərəqə ilə meydançadan kənarlaşdırıldığı üçün 4 oyun cəzalandırılıb. İCBFA-nın futbolçu Nadir Əzimli də qarşılaşmanın 72-ci dəqiqəsində hakimi təhqir etdiyinə görə qırmızı vərəqə ilə meydançadan kənarlaşdırıldığı üçün 4 oyun cəzalandırılıb.

Region Liqasının “Ümid” (Saatlı) – “Olimpiya Ağcabədi” FK oyununda “Olimpiya Ağcabədi”nin futbolçusu Elgiz Əliyev oyununun 58-ci dəqiqəsində ciddi qayda pozuntusuna görə qırmızı vərəqə aldığı üçün 2 oyun cəzalandırılıb. “Olimpiya Ağcabədi”nin futbolçusu Cəlil Abdullayev hakimi təhqir etdiyinə görə qırmızı vərəqə ilə cəzalandırıldıqdan sonra meydanı tərk etməkdən imtina etdiyinə görə 5 oyun cəzalandırılıb. “Olimpiya Ağcabədi”nin futbolçusu Şahin Rüstəmov hakimi təhqir etdiyinə görə qırmızı vərəqə ilə cəzalandırıldıqdan sonra  meydanı tərk etməkdən imtina etdiyinə görə 5 oyun cəzalandırılıb. “Olimpiya Ağcabədi”nin ehtiyat oyunçuları və özünü komandanın nümayəndəsi adlandıran şəxslər hakimin üzərinə yüyürərək təhqiramiz ifadələr işlətdiyinə, hakimi təhdid etdiyinə görə matç yarımçıq dayandırıldığı üçün “Olimpiya Ağcabədi”yə texniki məğlubiyyət verilib.

U-17 Liqasının “Neftçi” PFK – “European Football Academy” oyununda “Neftçi”nin futbolçusu Bəxtiyar Piriyev qarşılaşmanın 90-cı dəqiqəsində rəqibi vurduğuna görə qırmızı vərəqə ilə kənarlaşdırıldığı üçün 4 oyun cəzalandırılıb. “European Football Academy” komandasının futbolçusu Şahismayıl Cəfərov qarşılaşmanın 90-cı dəqiqəsində rəqibi vurduğuna görə qırmızı vərəqə ilə kənarlaşdırıldığı üçün 4 oyun cəzalandırılıb.

U-16 Liqasının “Qəbələ” İK – “Kəpəz” PFK oyununda “Qəbələ”nin futbolçusu Məhəmməd Yusubov qarşılaşmanın 76-cı dəqiqəsində rəqibi bilərəkdən ayaqla vurduğuna görə qırmızı vərəqə ilə kənarlaşdırıldığı üçün 4 oyun cəzalandırılıb.

U-15 Liqasında keçirilən “Ulduz (Mingəçevir) – “Araz” (Saatlı) oyununda “Ulduz”un futbolçusu Şahin Məmmədli qarşılaşmanın 45-ci dəqiqəsində rəqibi bilərəkdən ayaqla vurduğuna görə qırmızı vərəqə ilə kənarlaşdırıldığı üçün 4 oyun cəzalandırılıb.

U-10 Liqasının “Yasamal” FM (Şəmkir) – “Turan Tovuz” FK oyununun 44-cü dəqiqəsində “Yasamal”ın futbolçusu Anar Əliyev zədələndikdən, ardınca meydanın kənarına çəkildikdən sonra komandasının hücumu zamanı hakimin icazəsi olmadan meydana daxil olaraq qol vurduğuna, hakim qolu ləğv etdikdən sonra “Yasamal” FM komandasının baş məşqçisi İsmayıl Nəsibov komandanı meydandan çıxardığına, oyun yarımçıq qaldığına görə “Yasamal” FM komandasına texniki məğlubiyyət verilib.

U-10 Liqasının “Azəri” (Gəncə) – “Lokomotiv” (Gəncə) oyununun 55-ci dəqiqəsində “Azəri”nin baş məşqçisi Elşən Əliyev texniki zona qaydalarını pozaraq meydana daxil olduğuna, hakimi təhqir etdiyinə və hakimə qarşı əl-qol hərəkətləri etdiyinə görə 6 oyun cəzalandırılıb.

U-10 Liqasında keçirilməli olan “Arzu” (Gəncə) – “Qoşqar” (Gəncə) qarşılaşması “Qoşqar” komandası matça gəlmədiyi üçün baş tutmadığına görə “Qoşqar” (Gəncə) komandasına 0:3 hesablı texniki məğlubiyyət verilib. Bu hal üçüncü dəfə təkrarlandığına görə “Qoşqar” (Gəncə) komandası yarışlardan kənarlaşdırılıb. “Qoşqar” (Gəncə) komandası artıq 3-cü dəfədir ki, oyuna gəlmir.

U-14 Qızlar Liqasının “Alekseyevka” (Quba) – “Arzu” (Xaçmaz)  oyunu  “Arzu” (Xaçmaz) komandası matça gəlmədiyi üçün baş tutmadığına görə “Arzu”ya 0:3 hesablı texniki məğlubiyyət verilib.