I Liqa təmsilçisi "Zaqatala" çətin duruma düşüb.

Rekord.az xəbər verir ki, Futbolun İnkişaf Fondunun (FİF) vasitəsi ilə kluba cəlb olunan 10-a yaxın iş adamından böyük əksəriyyəti maliyyə dəstəyini dayandırıb.

Cəmi 2-3 nəfərin o qədər də böyük olmayan malyyəsi və AFFA-dan gələn illik 300 min manat isə işə yaramır. Hətta iş o yerə çatıb ki, komandanın qış fasiləsindən sonra səfərlərə yollanmasında ciddi problem yaranıb. Hazırda əldə olan büdcə ola bilsin ki, mövsümün sonuna qədər bəs eləməsin. Təsadüfi deyil ki, məhz yol puliu səbəbindən "Zaqatala" qış toplanışı zamanı rayondan qırağa da çıxa bilməmişdi.