İngiltərə premyer-liqasının oyunlarının “İdman TV”də yayınlanmasına öyrəşmişik.

Lakin Rekord.az xəbər verir ki, son vaxtlar dünyanın ən nüfuzlu çempionatını izləyə bilmirik.

Bunun səbəbini öyrənmək üçün “İdman TV”nin direktoru Rövşən Binnətli ilə əlaqə saxladıq. O, “Football-plus.az” saytına açıqlamasında bunları dedi:
 

“Qərar belə oldu ki, müqavilə şərtləri tərəfləri razı salmadı. Ortaq məxrəcə gəlmək mümkün olmadı. Ötən mövsümün sonundan bu fikir ayrılıqları yaranmağa başlamışdı. Yeni mövsüm üçün ortaq məxrəcə gələ bilmədik deyə, əməkdaşlığımızı davam etdirə bilmədik. Premyer-liqanı bu mövsüm yayınlamaq mümkün olmadı. Növbəti “futbol ili” üçün, əlbəttə ki, istəyərik premyer-liqanı yayınlayaq. Tamaşaçıların maraqlı olduğu yarış onlara çatdırılmalıdı. Bilirik ki, İngiltərə çempionatının auditoriyası böyükdü. Heç bir telekanal istəməz ki, belə böyük auditoriyadan özünü məhrum etsin”.