Moldova “Şerif”i Çempionlar Liqasında “Real”a qalib gəlməklə Avropada günün sensasiyasını reallaşdırdı.

Rekord.az xəbər verir ki, qarşılaşmadan sonra Moldova klubunun “instaqram” səhifəsi “Real”a “sataşıb”.

Səhifədə “Şerif”in loqosu paylaşılıb. Amma loqonun üzərinə tac qoyulub. Eynən “Real”ın loqosunda olan tac. Şəklə isə “şərhsiz” qeydi əlavə edilib.

Bununla da “Şerif” əsl kralın özünün olmasına işarə edib. Paylaşım izləyicilərin də böyük marağına səbəb olub.

“Şerif” qrupda keçirdiyi hər iki qarşılaşmada qalib gəlib.