"L'Equipe" nəşri La Liqa klublarında ən çox qazanan oyunçular və məşqçilər siyahısını hazırlayıb.

Rekord.az xəbər verir ki, futbolçular arasında ən yüksək maaşı "Barselona"nın kapitan Lionel Messi alır.

O, vergilər çıxmaq şərti ilə aylıq 10,5 milyon avro qazanır.

İkinci yerdə iki oyunçu - Antuan Qrizmann ("Barselona") və Luis Suares ("Atletiko") 2,9 milyon avro ilə qərarlaşıb. Onları Eden Hazard ("Real", 2,5 milyon) və Serxio Ramos ("Real", 2 milyon) izləyir.

Ən çox maaş alan məşqçi isə ayda 3,6 milyon avro qazanan "Atletiko"nun çalışdırıcısı Dieqo Simeonedir. Zinəddin Zidan ("Real", 1,4 milyon) ikinci , Ronald Kuman ("Barselona", 1,2 milyon) üçüncüdür.