Qadın voleybolçular arasında Millətlər Liqası başa çatıb. "Rekord.az" xəbər verir ki, Ankarada təşkil olunmuş yarışın qalibi adını İtaliya qazanıb.

Son Avropa çempionu finalda Braziliya ilə qarşılaşıb. Görüş gözlənildiyi kimi italyanların üstünlüyü ilə keçib. İtaliya rəqibinə heç bir şans verməyib və oyunun taleyini 3 setdə həll edib. Braziliya gümüş medalla kifayətlənməli olub.

Turnirin bürünc medalına isə Serbiya sahib çıxıb. Serblər üçüncülük uğrunda görüşdə meydan sahibləri ilə qarşılaşıblar. Türkiyə millisinin doğma azarkeşlər möhtəşəm dəstəyinə baxmayaraq, rəqibi qarşısında aciz qalıb. Serbiya 3 setdə qalib gəlməklə turnirin üçüncüsü olub.

Millətlər Liqası

Ankara, Türkiyə

17 iyul

Final

   İtaliya - Braziliya 3:0 (25:23, 25:22, 25:22)

Üçüncü yer uğrunda

   Türkiyə - Serbiya 0:3 (25:27, 17:25, 24:26)