Fransada təşkil olunan 33-cü Yay Olimpiya Oyunlarında qadın voleybolçuların mübarizəsində çempion bəlli olub. "Rekord.az" xəbər verir ki, olimpiadanın qızıl medalına İtaliya yığması sahib çıxıb. 

İtaliya həlledici qarşılaşmada ABŞ yığması ilə üz-üzə gəlib. Yarış boyu möhtəşəm oyunla yadda qalan avropalılar finalda da eyni uğuru təkrarlayıblar. 

Rəqibinə heç bir şans verməyən İtaliya millisi 3:0 hesablı qələbə qazanıb. Bu qələbə ilə italyanlar həm də olimpiya çempionu olublar. ABŞ yığması isə gümüş mükafatla kifayətlənib.

Qeyd edək ki, olimpiadanın bürünc medallarını üçüncülük matçında Türkiyəni 3:1 hesabı ilə məğlub edən Brazliya millisi sahib qazanıb.