"Barselona"da prezidentliyinə namizəd Aqusti Benedito "Kamp Nou" stadionunu yıxmaq və yeni bir arena tikmək istəyir.

Rekord.az xəbər verir ki, bu barədə o, "AS" nəşrinə açıqlamasında deyib: “Seçkilərdə qalib gəlsək, yeni bir stadion tikəcəyik. Yeni bir arenanın qurulması üçün iki variantı nəzərdən keçirdik. Birincisi, "Kamp Nou"nu yıxıb burada tikməkdir. Bu o deməkdir ki, üç il ərzində komanda Lyuis Lompanis Olimpiya Stadionunda oynamalı olacaq. Bu vəziyyətdə orada tribunaları genişləndirmək lazım gələcək. Başqa bir seçim, Barselona yaxınlığındakı "San- Joan-Despi"də yeni bir stadion tikməkdir".

Qeyd edək ki, "Kamp Nou" stadionu 1957-ci il 24 sentyabrda istifadəyə verilib. Stadionda iki dəfə (1995 və 2008-ci illərdə) yenidənqurma işləri görülüb.