Futbol üzrə Rusiya çempionatının 1-ci divizionunda 25-ci turun oyunları keçirilib.

Rekord.az xəbər verir ki, Azərbaycanın U-21 yığmasının sabiq futbolçusu Kamran Əliyevin formasını geyindiyi “Ximki” də növbəti matçına çıxıb.

Sözügedən kollektiv səfərdə “Krasnodar”ın əvəzediciləri ilə qarşılaşıb. Futbolçumuzun komandası bu oyundan heç-heçə ilə ayrılıb – 2:2.

Kamran da bu görüşün iştirakçısı olub. O, fasilədən dərhal sonra - 46-cı dəqiqədə meydana buraxılıb. Komandasının ikinci qolunu da Əliyev vurub. O, hesab 1:2 olarkən – 85-ci dəqiqədə fərqlənib. Bununla da azərbaycanlı forvard cari mövsümdə vurduğu qolların sayını 8-ə çatdırıb.

“Ximki” 25 turdan sonra 50 xalla 20 kollektiv arasında 3-cü pillədə qərarlaşıb.