"Bavariya"nın İdarə Heyətinin üzvü Oliver Kan klubun yeni mövsüm üçün hədəflərindən danışıb.

Rekord.az Almaniya mətbuatına istinadən xəbər verir ki, Kan deyib:

"Təcrübəli oyunçularla və gənclərlə birlikdə dünya səviyyəli futbolu nümayiş etdirmək istəyirik. Ardıcıl 10-cu dəfə Bundesliqada çempionluğu qazanmaq xüsusi bir şey olardı. Avropa yarışlarında da ön sıralarda olmağı planlaşdırırıq. Əminəm ki, bunu etmək üçün yaxşı şansa sahibik. Çempionlar Liqasının qalibi olmaq istəyirik. Hədəflərimizə çatmaq üçün özümüzü iqtisadi cəhətdən necə təmin etdiyimizi düşünməliyik. Bu, asan olmayacaq, amma nikbinik.

"Bavariya"mım hazırkı heyəti Çempionlar Liqasında qələbə qazana bilər. PSJ klubdakı işlərə külli miqdarda investisiya yatırır, lakin hələ Çempionlar Liqasını qazana bilmədi. Ona görə də narahat deyiləm".