Məşhur italyan mütəxəssis Fabio Kapello İngiltərə yığmasının Avropa çempionatındakı oyunu barədə danışıb.

Rekord.az xəbər verir ki, Kapello İngiltərə yığmasının xeyli püxtələşdiyini deyib.

O, ingilisləri Qvardiolanın oyun fəlsəfəsindən yaxşı yararlandıqlarını vurğulayıb:

“İngiltərə müdafiədə və meydanın mərkəzində çox ehtiyatlı davranır, kompakt oyun nümayiş etdirilər. Xüsusən də standart vəziyyətlər zamanı olduqca təhlükəlidirlər.

Hücum xəttində çox sürətli futbolçuları var. Onlara böyük hörmətlə yanaşmaq lazımdır, hazırda əla formadadırlar.

Düşünürəm ki, Sautqeyt, top rəqibdə olarkən müdafiəyə qapanmağın işə yaramadığını anladı. Artıq mərkəz müdafiəçiləri rəqib hücumçulara daha böyük qüvvə ilə təsir göstərirlər.

Yeri gəlmişkən, qapıçıları Pikford ayaqları ilə əla oynayır ki, bu da bir başqa üstün cəhətdir.

İngilislər indi dərhal topun arxasınca gedirlər. Qvardiolanın əlindən su içdikləri görünür. Onun etdiklərini ən yaxşı formada mənimsəyiblər”.