"Karvan" mövsüm öncəsi Premyer Liqaya əsas namizəd sayılsa da, hələ ki, ümidləri doğurultmur.

Rekord.az xəbər verir ki, xüsusilə son turda evdə "Şamaxı"ya 0:6 hesabı ilə uduzaraq, liderlər qrupundan bir qədər də uzaqlaşıb.

Hazırda 27 xalla 5-ci pillədə qərarlaşan Yevlax təmsilçisi lider "Qaradağ Lökbatan"dan 9 xal geri qalır. Sona 9 tur qaldığını nəzərə alsaq, bu fərqin qapanması qeyri-mümkün görünmür. Lakin nəzərə alaq ki, üst sıralarda olan komandalar da formadadır. İstənilən halda, bizə daxil olan məlumata görə, rəhbərlik baş məşqçi Kənan Kərimova güvənməkdə davam edəcək. Hətta söz verilib ki, komanda elitaya vəsiqə qazansa, heyətə daha səviyyəli legionerlər cəlb olunacaq. Lakin Kərimov qarşıya qoyulan hədəfə çata bilməsə, mövsümn sonunda postu ilə vidalaşacaq.