Ötən ay nəhayət, "Kəpəz"in sponsor məsələsinin həllini tapdığına dair məlumatlar yayıldı.

Rekord.az xəbər verir ki, hətta klub özü də bununla bağlı rəsmi paylaşım etdi.

Eyni zamanda bildirildi ki, yaxın günlərdə yeni sponsorun kimliyi, yeni rəhbərlik rəsmən açıqlanacaq. Lakin aprel ayına qədəm qoysaq da, hələ də heç bir açıqlama yoxdur. Görəsən, bu müəmmanın səbəbi nədir? Əsas səbəb komandanın hələ də Premyer Liqada qalmaq məsələsini həll etməməsidir. Əgər komanda son turda evdə "Səbail"i məğlub edib aradakı xal fərqini daha da artırsaydı, böyük ehtimalla yeni sponsorun da adı aprelin 7-ə kimi açıqlanacaqdı. Lakin matın heç-heçə bitməsi açıqlamanı bir qədər də yubatdı. Görünən budur ki, yeni sponsora Premyer Liqa vacibdir və I Liqaya düşəcək komandanı götürmək fikirləri yoxdur.