"Liverpul"un baş məşqçisi Yurgen Klopp futbolçusu Vircil van Deykin zədəsindən və "Mançester Siti"ni çempionluq münasibəti ilə təbrik etməsindən danışıb.

Rekord.az xəbər verir ki, 53 yaşlı mütəxəssis klubun Yutub kanalına açıqlamasında deyib:

"Dünən zəng etdim və Qvardiolanı çempionluq münasibətilə təbrik etdim. Bu gün Gündoğana məktub yazdım. "Mançester Siti" kimi klubun maliyyə imkanlarını və futbol biliklərini birləşdirdiyiniz zaman xüsusi bir şey yaratmaq üçün yaxşı bir şansınız olur. Onlarda parlaq oyunçu siyahısı və dünyanın ən yaxşı məşqçisi var. "Mançester Siti"yə qarşı oynamaq həmişə maraqlıdır.

Van Deykə gəldikdə isə o, ala biləcəyi ən pis zədələrdən birinə sahib idi. Hər şey çox yaxşı gedir və mövsümöncəsi məşqləri bizimlə apara biləcəyi planlaşdırılır. Amma yenə də əmin deyilik".