Bütün dünyada azarkeşlər yavaş-yavaş stadionlara qayıtmaqdadır. Elə hazırda davam edən Avro-2020-nin oyunlarından da bunu görmək olar. İngiltərə - Almaniya matçını Londonda 90 min azarkeşin canlı izləməsi xüsusi qeyd olunmalıdır.

Lakin Rekord.az təəssüflə qeyd edir ki, Azərbaycan haqda eyni şeyi demək olmaz.

Bir müddət bundan öncə, klublarımızın avrokubok oyunlarına azarkeş buraxılıb-buraxılmaması ilə bağlı bəzi klublarımızın fikrini öyrənmişdik. Klublar birmənalı şəkildə bildirmişdi ki, sözügedən məsələ birbaşa Operativ Qərargahın verəcəyi qərardan asılı olacaq. Məsələ ilə bağlı yenidən kiçik araşdırma apardıq və məlum oldu ki, hələlik, bu məsələdə yenilik yoxdur. Klublar adından söz demək səlahiyyəti AFFA da olsa da, federasiy hələ ki, azarkeş məsələsi ilə bağlı Operativ Qərargaha müraciət etməyib. Bu isə onu deməyə əsas verir ki, bu cür davam etsə, ölkəmizdəki avrokub matçları azarkeşsiz keçiriləcək.