İyunun 11-də Avropa çempionatının final mərhələsi - AVRO-2020 start götürdü. Sport24.az saytının təşkilatçılığı və AFFA-nın dəstəyi ilə “Köhnə qitə”nin “yeni MÜNƏCCİM”i olan yeni layihəsi də başladı. Final mərhələsində olduğu kimi, bizdə də 24 iştirakçı var.

İkinci turun son matçlarına - 9-ci oyun gününə proqnozların çoxu uğursuz oldu. Çünki 1:1 hesablarıyla nəticələnən Macarıstan - Fransa və İspnaiya - Polşa görüşlərindən xal qazanan olmadı. Yəni, bu duelldə heç-heçə belə yazan olmamışdı. Portuqaliya - Almaniya (2:4) qarşılaşmasından isə yalnız 1 xal yazanlar oldu ki, bu qalibi tapdıqlarına görə idi. Yəni, bura da 2 top fərqinə görə 2 xalı aktivinə yazan olmadı.

Bununla da iştiarkçılardan cəmi 8 nəfər hesablarındakı xalların sayını artıra bildi. İkinci turu lider kimi başa vuran isə Sport24.az-ın redaktoru Mehman Süleymanov oldu. . 

Turnir cədvəli

Mehman Süleymanov - 27, Şahin Diniyev - 25, Samir Əliyev - 23, Rüstəm Allahverdiyev, Kənan Məstəliyev - hər ikisi 21, Yunis Hüseynov, Firuz Abdulla - 20, Arif Əsədov, Mahmud Qurbanov, Aslan Şahgəldiyev, Mahir Rüstəmli, Ruslan Mikayıllı - hamısı 19, Rəşad Məmmədov - 18, Aslan Kərimov, Elnur Həmidov, Zaur Əzizov, Tahir Hümmətov - hər ikisi 17, Elman Himayətoğlu, Nicat Zülfülü, Faiq Tahirov - hamısı 16, Eldəniz Yusifov - 14, İbrahim Cəfərov - 13, Gündüz Abbaszadə - 11, Şəmsəddin Abbasov - 7.