İyunun 11-də Avropa çempionatının final mərhələsi - AVRO-2020 start götürdü. Sport24.az saytının təşkilatçılığı və AFFA-nın dəstəyi ilə “Köhnə qitə”nin “yeni MÜNƏCCİM”i olan yeni layihəsi də başladı. Final mərhələsində olduğu kimi, bizdə də 24 iştirakçı var.

Dünən 5-ci oyun günündə 2 matç keçirildi və bununla da ilk tura yekun vuruldu. Bunadək turnir cədvəlində beşhakimiyyətlilik idisə, ikinci tura yarışmada ilk dəfə olaraq vahid liderlə yollanırıq. Belə ki, Rüstəm Allahverdiyev liderliyi bölüşdürdüyü Samir Əliyev, Şahin Diniyev, Elnur Həmidov və Ruslan Mikayıllıdan daha çox - 3 xal toplayaraq zirvəni ələ keçirib. Son 3 iştirakçı ümumiyyətlə, zəif nəticə göstərərək, hazırda liderin ən yaxın izləyiciləri belə deyillər. Yalnız Əliyev bu sıradadı ki, ona daha yaxşı nəticə göstərən həmkarı Arif Əsədovla həmkarımız Kənan Məstəliyev qoşulub.

Ümumiyyəltə, son matçlardan Macarıstan - Portuqaliya görüşünün (0:3) nə doğru nəticəsini, nə də xal fərqini heç kim tapa bilməyərək, yalnız qonaqların qələbəsinə görə aktivlərinə 1 xal yaza biliblər. Maraqlıdı ki, Fransa - Almaniya qarşılaşmasında (1:0) da dəqiq hesabı tapan olmayıb. 

Turnir cədvəli

Rüstəm Allahverdiyev - 13, Arif Əsədov, Samir Əliyev, Kənan Məstəliyev - hər üçü 12, Şahin Diniyev, Firuz Abdulla, Elnur Həmidov, Zaur Əzizov, Mehman Süleymanov, Mahir Rüstəmli, Ruslan Mikayıllı - hamısı 11, Elman Himayətoğlu, Nicat Zülfülü - hər ikisi 10, Aslan Şahgəldiyev, Tahir Hümmətov - hər ikisi 9, Yunis Hüseynov, Rəşad Məmmədov, Faiq Tahirov - hər üçü 8, Aslan Kərimov - 7, Gündüz Abbaszadə, Eldəniz Yusifov, İbrahim Cəfərov - hər üçü 5, Şəmsəddin Abbasov - 2.