İspaniya La Liqasının 19-cu turu çərçivəsində “Real Sosyedad”ı 2:1 hesabı ilə məğlub edən “Barselona”nın baş məşqçisi Ronald Kuman açıqlama verib.

Rekord.az xəbər verir ki, niderlandlı mütəxəssis oyundan razı qaldığını bildirib:

“Bu oyunla istədiyimiz yerdə olacağıq. Bəlkə də, mövsümdə keçirdiyimiz ən yaxşı ilk hissə idi. Topla yaxşı oynadıq və rəqibə təzyiq göstərdik.

“Real Sosyedad” isə ikinci hissədə əla oynadı. Bir matçda 90 dəqiqə boyunca təzyiq göstərə bilməzsiz. Bu oyunla qələbəni haqq etdik. Komandamdan məmnunam”.