"Barselona"nın baş məşqçisi Ronald Kuman komandanın kapitanı Lionel Messi haqda danışıb.

Rekord.az xəbər verir ki, o, argentinalı hücumçunun Kataloniya təmsilçisindəki gələcəyinin necə olacağı ilə bağlı verilən suala cavab olaraq deyib:

"Messi "Barselona"da qalacaq?" Buna əmin deyiləm. Əlbəttə, buna ümid edirəm, çünki o, hələ də əla oyunçudur və bizim üçün oyunlarda qalib gəlir.

Mən ona məşq keçməyi sevirəm. Hər gün məşqdə keyfiyyətlərini görmək inanılmazdır. Uşaq vaxtı "Barselona"ya gəldi. Hələ də başqa bir klubun formasını geyinəcəyini təsəvvür etmirəm".

Messinin "Barselona" ilə müqaviləsi bu mövsümün sonu başa çatır.