"Bu, vacib oyundur. Düzgün yolda olduğumuzu göstərə bilərik və əlbəttə ki, nəticə önəmlidir. Qarşılaşmanın ilk dəqiqələrindən qorxmadan və qalib gəlmək istəyi ilə oynamalıyıq".

Rekord.az "Diario Sport"a istinadən xəbər verir ki, bu sözləri "Barselona"nın baş məşqçisi Ronald Kuman La Liqanın 10-cu turunda "Real"la oyun öncəsi deyib.

"İnsanlar bizə inanırmı bilmirəm, amma şəxsən biz özümüzə inanırıq. "El-Klassiko"da aşkar favorit yoxdur. Amma biz evdə oynayırıq, orada insanlar bizi alqışlayacaqlar. Mənim heç bir qorxum yoxdur" -deyə o bildirib.

Xatırladaq ki, "Barselona" - "Real" matçı oktyabrın 24-də keçiriləcək.