“Barselona” yeni baş məşqçi Ronald Kumanın təyinatından sonra ilk transferini reallaşdırıb.

Rekord.az xəbər verir ki, Kataloniya təmsilçisi Pedro Qonsales Lopesi (Pedri) heyətinə cəlb edib.

Bu barədə klubun rəsmi saytı məlumat yayıb. Sequndada çıxış edən "Las Palmas”dan alınan 17 yaşlı yarımmüdafiəçi ilə 2022-ci ilin yayına qədər müqavilə imzalanıb.

Qeyd edək ki, İspaniya mediasında gələcəyin İnyestası adlandırılan gənc futbolçu ötən mövsüm Sequndada 16 oyuna 4 qol vurub, 7 qol ötürməsi edib. Pedri İspaniyanın U-19 millisinin üzvüdür.