İspaniyanın “Betis” klubu baş məşqçi Manuel Pelleqrini ilə müqavilənin müddətini artırıb.

Rekord.az La Liqa klubunun rəsmi saytına istinadən xəbər verir ki, 69 yaşlı mütəxəssisin yeni müqaviləsi 2026-cı ilin 30 iyununa qədər nəzərdə tutulub.

Pelleqrini 2020-ci ilin avqustundan “Betis”ə rəhbərlik edir. Çilili mütəxəssisin gəlişindən bəri bu komanda ardıcıl üç mövsümdür avrokuboklara vəsiqə qazanır.