“Barselona”nın sabiq prezidenti, indi isə prezidentliyə namizəd Xuan Laporta seşkilərdə qalib gələcəyi təqdirdə, atacağı addımlardan danııb.

Rekord.az xəbər verir ki, o, Messini komandada saxlamağa çalışacağını bildirib.

Laporta Leo ilə danışıqlarda üstün tərəfinin nə olduğunu da açıqlayıb:

“Biz bütün qüvvəmizi sərf edəcəyik ki, Messi komandada qalsın. “Real”ın Ronaldonu satması başqa situasiya idi, Leo ilə bağlı məsələ isə tam fərqlidir. O, yalnız bir komandanın şərəfini qoruyan tək-tük futbolçulardan olacaq.

Messi pul haqda düşünmür. Amma biz ona sərfəli təklifi irəli sürəcəyik. Mənim onunla yaxşı münasibətim var. O, “Barsa”da qalmaq istəyir.

Əminəm ki, böyük səbirsizliklə yeni prezidentdən rtəklif gözləyir. O, rəqabətədavamlı komandanın əsas siması olacaq. Əgər mən ona bu təklifi versəm, mütləq əməl edəcəyəm.

Mənim üstünlüyüm Leonun etibarını qazanmağımdır. Əlbəttə, hələ ki, bu haqda danışmaq tezdir. Bunun üçün mənim prezident seçilməyim vacibdir”.