İtaliyanın “Sampdoriya” klubu heyətini yeni futbolçu ilə gücləndirib.

Rekord.az xəbər verir ki, A Seriyası təmsilçisi İngiltərənin “Lester Siti” klubundan Adrien Silvanı heyətinə qatıb.

Bu barədə klubun mətbuat xidməti məlumat yayıb. 31 yaşlı yarımmüdafiəçi ilə 2 illik müqavilə imzalanıb.

Silva, 2017-ci ildən “Lester Siti”də çıxış edirdi. O, 2019/20 mövsümünü icarə əsasında “Monako”da keçirib. Yarımmüdafiəçi Portuqaliya yığmasında 26 oyuna 1 qol vurub.

“Sampdoriya” öz yarımmüdafiəçisi Ronaldo Vieyranı da “Verona”ya icarəyə verib. Bu barədə hər iki klubun mətbuat xidməti məlumat yayıb. İcarə müddəti mövsümün sonuna qədərdir.