Argentinalı futbol tanrısı, bir çoxlarına futbolu sevdirən, hətta yadplanetli adlandırılan Lionel Messinin öz doğma klubu olan Barselonadan ayrıldığını yəqin ki, artıq bilirsiniz. Futbol karyerasına məhz İspaniyanın Barselona klubda başlayan ulduz futbolçunu başqa klubda təsəvvür etmək mümkün deyildi. Lakin, bir çox maliyyə məsələləri, La Liga-nın özünəməxsus qanunları, vergi problemləri Messini doğma klubu Barselonadan didərgin salmağı bacardı. Bununla da 21 illik əzəmətli və rekordlarla dolu Barselona karyerasının da sonu gəldi. Hətta, o Barselona üçün maaşının 50%-lik hissəsindən imtina etsə də müqavilə müddətini artırmaq mümkün olmayıb. Vida mərasimində göz yaşlarına hakim ola bilməyən Messi çətin də olsa doğma klubu ilə vidalaşa bilib. Bundan sonra o yoluna Fransanın PSJ klubunda davam edəcək. 

Fikrimizcə, bu hadisələrdən sonra, mərc həvəskarları Barselonaya mərc edərkən Messinin yoxluğunu da nəzərə almalıdır. Əlavə olaraq, yüksək əmsallarla mərc etmək istəyən mərc həvəskarları üçün, Melbet kontorunu şiddətlə tövsiyyə edirik. Sözügedən mərc kontoru güvənli və etibarlı olması ilə yanaşı həmçinin sürətli pul çıxarışları ilə diqqət çəkməkdədir.

2003-cü ildən Barselonada çıxış edən təcrübəli futbolçu bu illər ərzində 4 dəfə Çempionlar liqasının qalibi olub. Əlavə olaraq, 10 dəfə İspaniya çempionu, 7 dəfə ölkə kubokunun qalibi, 8 dəfə də superkubokun qalibi olmağı bacarıb. Bu naliyyətlərə 3 dəfə UEFA super kubokunun da qalibi olmasını əlavə etmək olar. Barselona klubunda çıxış etdiyi müddət ərzində 778 rəsmi matça çıxan bu futbolçu 672 dəfə toru sirkələməyi bacarıb. O, bu qollardan 120-sini Çempionlar liqasında, 474-ünü isə La Ligada vurub. Xatırladaq ki, Messi 120 qolla Çempionlar liqasında ən çox qol vuran 2-ci oyunçudur. İlk yerdə isə Portuqaliyalı futbolçu C. Ronaldo qərarlaşıb.

Messi isə, PSJ-yə azad agent kimi qatılıb. Argentinalı ulduz futbolçu 2023-cü ilin iyun ayınadək Fransanın paytaxt klubunda çıxış edəcək. Tərəflərin razılığı əsasında müqaviləni bir il müddətinə daha artırmaq mümkündür. Bağlanılan müqaviləyə əsasən Lionel Messi illik təxminən 35 milyon avro qazanacaq. Üstəlik, 34 yaşlı futbolçunun PSJ-də 30 nömrəli forma ilə oynayacağı da artıq bəllidir. Bu barədə o öz “Instagram” hesabında paylaşım edib. Messinin bu nömrə ilə çıxış etməsi bəzi azərkeşlərdə təəssüf hissi doğurub. Lakin buna baxmayaraq dünyanın ən güclü futbolçusu adlandırılan Messinin formalarının kifayət qədər satılacağı da hər kəsə məlumdur. Təbii ki, Messinin ayrıldığı Barselona klubu da forma və nişan satışları cəhətdən kifayət qədər zəifləyəcək. “Brand finance”-ın araşdırmasına görə Messinin İspaniyanın Barselona klubundan ayrılması klubun marka dəyərinin 137 milyon avro itirməsinə gətirib çıxaracaq. Bu isə klubun marka dəyərinin 11 %-ini təşkil edir.

Uzun müddətdir səs-səda doğuran transferləri ilə gündəmi sirkələyən Paris klubu Avropa Çempionatlarında istəyinə nail ola bilməyib. Bu transferlə birlikdə ulduzları heyətində cəmləşdirən Fransız klubunun niyyəti təbii ki, Çempionlar liqasının kubokunu ölkəsinə gətirməkdir. Heç şübhəsiz ki, Messi də bu yolda yeni komandasına əlindən gələn ən möhtəşəm dəstəyi əsirgəməyəcək. Messinin Fransa liqasına qatacağı yeni nəfəs, möhtəşəm driblinq və qollar da həmçinin hər kəs tərəfindən maraqla gözlənilməkdədir. Biz də öz növbəmizdə Argentinalı ulduz futbolçunun oyunlarını maraqla gözləyir, ona karyerasında uğurlar arzulayırıq.