“Leypsiq”in yarımmüdafiəçisi Dominik Soboslai “Liverpul”a keçib.

Rekord.az bu barədə İngiltərə klubunun rəsmi saytı məlumat yayıb.

Premyer Liqa təmsilçisi bu transfer üçün Almaniya klubuna 70 milyon avro ödəyib. Yarımmüdafiəçi yeni klubu ilə 5 illik sözləşmə imzalayıb. O, bu komandada 8 nömrəli formanı geyinəcək.

Soboslai 2021-ci ildən oynadığı “Leypsiq”də 91 oyuna 20 qol vurub.
22 yaşlı futbolçu Macarıstan yığmasında da 32 oyuna çıxıb, 7 qola imza atıb.