“Liverpul”un Klublararası dünya çempionatında, “Flamenqo”nu 1:0 hesabıyla məğlub etdiyi final oyununda zədələnən futbolçusu Aleks-Oksleyd Çemberleynin vəziyyətinə aydınlıq gəlib.

Rekord.az klubun rəsmi saytına istinadən xəbər verir ki, ingiltərəli futbolçu, 2019-cu ilin qalan iki oyununda iştirak etməyəcək. Komandanın baş məşqçisi Yurgen Klopp futbolçunun ayaq biləyindən zədələndiyini, onun “Letser” və “Vulverhempton”la oyunda iştirak etməyəcəyini bildirib:

“Çemberleynin ayaq biləyinin üç kənar bağlarından biri zədələnib. Sağalma prosesinin necə irəlilədiyini görməliyik, onun nə vaxt qayıdacağı ilə bağlı heç nə bilmirik”.  

Cari mövsümdə “Liverpul”un heyətində 21 oyun keçirən futbolçu, 5 qolla yadda qalıb.