“Liverpul”un kapitanı Cordan Henderson komandadakı durumla bağlı açıqlama verib.

Rekord.az xəbər verir ki, “Liverpul” Premyer Liqada dalbadal 3 oyunda məğlub olub.

Paltardəyişmə otağında Alison Bekerlə Endryu Robertson arasında dava düşdüyü barədə məlumat yayılmışdı. Henderson bu məlumatın tamamilə dezo olduğunu deyib:

“Klaviatura qarşısında oturub məşqçi, futbolçular haqqında xəbərlər uyduranların yazdıqlarına münasibət bildirməyi vacib hesab etmirəm.

Amma onu deyim ki, Alison Bekerlə Endryu Robertson arasında dava olması ilə bağlı xəbər daha çox xoşuma gəldi. Əminliklə deyirəm, bu tip xəbərlərin heç birində zərrəcə də olsa, həqiqət payı yoxdur”.