“Barselona”nın hücumçu Luis Suaresin Madrid “Atletiko”suna gözlənilən transfer rəsmiləşib.

Rekord.az xəbər verir ki, bu barədə hər iki klubun rəsmi saytı məlumat yayıb.

Yaxın günlərdə futbolçu yeni klubu tərəfindən ictimaiyyətə təqdim olunacaq.

Madridlilər 33 yaşlı uruqvaylıya görə müxtəlif bonuslar şəklində 6 milyon avro ödəyəcəklər.

Xatırladaq ki, Suares 2014-cü ildən "Barselona"da çıxış edirdi. O, bu müddət ərzində 283 oyunda 198 qol vurub.