"Mançester Siti" heyətinə yeni hücumçu cəlb etməyi planlaşdırır.

Rekord.az "Sky Sports"a istinadən xəbər verir ki, "şəhərlilər" "Sauthempton"un futbolçusu Denni İnqzla komandanı gücləndirmək istəyir. Klub rəhbərliyinin 28 yaşlı futbolçuya komandadan ayrılacağı gözlənilən Serxio Aqueronun əvəzləyicisi kimi baxdığı bildirilib.

Transfermarkt portalı ingilis oyunçunun qiymətini 22 milyon avro göstərib. Onun klubu ilə müqaviləsi 2022-ci ilin iyununa qədərdir. 2019-cu ildə "Liverpul"dan "Sauthempton"a keçən İngiltərə millisinin üzvü bu mövsüm Premyer Liqada 22 oyuna 8 qol vurub, 3 qol ötürməsi edib.