İtaliyanın “Milan” klubu heyətini yeni futbolçu ilə gücləndirib.

Rekord.az xəbər verir ki, “qırmızı-qaralar” xorvat hücumçu Mario Mandzukiçi transfer edib.

Bu barədə A Seriyası nəhənginin rəsmi saytı məlumat yayıb. Azad agent statusu daşıyan 35 yaşlı forvardla 6 ay+1 illik müqavilə imzalanıb.

Qeyd edək ki, Mario Mancukiç daha əvvəl İtaliyada "Yuventus"un şərəfini qoruyub. O, həmçinin Almaniyada "Volfsburq" və "Bavariya", İspaniyada "Atletiko"nun uğurları üçün çalışıb. Hücumçu son olaraq Qətərin "Əl-Duhail" komandasında çıxış edib.