Ötən gün dünyasını dəyişmiş əfsanəvi futbolçu Dieqo Maradonanın oğlu kiçik Dieqo atasının ölümünü eşidəndən sonra xəstəxananın reanimasiya şöbəsinə yerləşdirilib.

Rekord.az xəbər verir ki, bu barədə tanınmış jurnalist Tankredi Palmeri “Tvitter”dəki səhifəsində bildirib:

“Təəssüf ki, "sarı mətbuat" nümayəndələrindən biri reaksiyasını öyrənmək üçün ona zəng vurub və kiçik Dieqo atasını itirdiyini bilib”.

Qeyd edək ki, əfsanəvi futbolçu noyabrın 25-də 60 yaşında ürəktutmasından ölüb. Onun oğlu koronavirusa yoluxduğundan bir neçə gün əvvəl xəstəxanaya yerləşdirilib.