Argentinanın əfsanəvi futbolçusu Dieqo Maradonanın xatirəsinə həsr olunmuş oyun keçiriləcək.

Rekord.az xəbər verir ki, Dieqonun vəfatının ildönümü ərəfəsində “Boka Xuniors”la “Barselona” “Maradona kuboku” uğrunda mübarizə aparacaqlar.

Qarşılaşma Səudiyyə Ərəbistanında keçiriləcək. Amma Dieqonun qızları Dalma və Cannina bu oyunu izləmək üçün Səudiyyə Ərəbistanına getməyəcklər.

Qızlar atalarının adından istifadə edilərək kimlərinsə pul qazandığını iddia ediblər. Onlar Maradonanın vəkilini də ittiham ediblər.

Bildiriblər ki, vəkil atasının imici, adı ilə alver edir. Dalma sosial şəbəkədə belə yazıb:

“Onlar mənim atamın adından biznesdə yararlanırlar”.