Uroş Matiçin son turlarda az-az gözə dəymıəsi birmənalı qarşılanmır.

Rekord.az xəbər verir ki, sonuncu dəfə 12-ci turda səfərdə “Qəbələ”yə qarşı start heyətində meydançaya çıxan serbiyalı futbolçu həmin görüşü aşağı səviyyədə keçirmiş, penaltidən istifadə edə bilməniş və 63-cü dəqiqədə əvəzlənmişdi.

Həmin  oyundan bu yana əsas heyət üzünə həsrətdi. 13-cü turda “Zirə”yə qarşı oyunda oynamaq şansı qazanmayan və ehtiyatda qalan Matiç, 14-cü turda “Sabah”la səfər matçında yalnız 90-cı dəqiqədə Zubirin əvəzinə meydançaya çıxmışdı. 15-ci turda isə “Neftçi”yə qarşı son 23 dəqiqəni meydançada olub və 67-ci dəqiqədə Ovusunun əvəzinə oyuna çıxıb. Əldə etdiyimiz məlumata görə, baş məşqçi Qurban Qurbanov futbolçunun hazırlığından narazıdır. Bu məınada mövsümün sonunda Matiçin “Qarabağ”dan ayırılacağı istisna edilmir. Deyilənə görə, futbolçu özü də ehtiyatda qalmasından narazıdır.