PSJ-nin hücumçusu Kilian Mbappe "Borussiya"nın (Dortmund) forvardı Erlinq Haalandla müqayisə olunmasından danışıb.

Rekord.az xəbər verir ki, o,  Esquire.com saytına açıqlamasında norveçli oyunçunun ikinci mövsümünü yüksək səviyyədə keçirdiyini deyib:

"Onu tanıyırıq. Bu, Erlinq üçün yolun başlanğıcıdır. Mən ona görə xoşbəxtəm və  etdiklərini bəyənirəm. Hər hansı oyunçu özünü bu anda ən yaxşı futbolçu ilə müqayisə edir. Nə etdiklərini görmək üçün digər möhtəşəm oyunçuların matçlarına baxıram. Məncə, başqaları da məni izləyir. Bu, futbolçuları öz səviyyələrini yüksəltməyə məcbur edir. Messi və Ronaldo bir-birləri üçün yaxşı nümunə idi".