PSJ-dən ayrılan Kilian Mbappenin "Real"a keçidi rəsmiləşib.

Rekord.az klubun saytına istinadən xəbər verir ki, fransalı hücumçu ilə 5 illik müqavilə imzalanıb.

25 yaşlı oyunçu Madrid təmsilçisinə azad agent kimi keçib.

Mbappe 2023/2024 mövsümündə PSJ-nin heyətində 48 oyuna çıxıb, 44 qol vurub və 10 qolun ötürməsini verib. O, bu komandada bütün turnirlərdə 306 matçda iştirak edib, 255 qol vurub və 108 məhsuldar ötürmə edib.