“Barselona”dan ayrılmaq istəməsi ilə gündəmdə olan Lionel Messi bu gündən komandanın məşqlərinə qoşulub.

Rekord.az klubun mətbuat xidmətinə istinadən xəbər verir ki, argentinalı futbolçu kataloniyalıların bu gün baş tutan məşqində iştirak edib. O, sentyabrın 7-dən fərdi məşqlər edirdi.

“Barselona”dan ayrılmaq istəyən və bunun üçün kluba müraciət edən hücumçu, komandanın məşqlərində iştirak etmirdi. Son olaraq o, qərarını dəyişərək, növbəti yay başa çatacaq müqaviləsinin sonuna qədər komandada qalmağa razılaşmışdı.

Messi 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb.