"Barselona"nın hücumçusu Lionel Messi  dostu və sabiq komanda yoldaşı "Atletiko" nun hücumçusu Luis Suareslə  dünən Madriddə görüşüb.

Rekord.az sport.es-ə istinadən  xəbər verir ki, artıq bu görüşün təfərrüatları məlum olub. Futbolçular avtomobil ilə birlikdə gəldikləri  İtalyan restoranında görüşüblər. Daha sonra onların xanımları restorana gediblər. Argentinalı forvard çempionluq uğrunda mübarizədə həlledici matçdan əvvəl uruqvaylı oyunçuya dəstək olmağa qərar verib və ona uğurlar arzulayıb. Bildirilir ki, Messi Suaresin potensial uğurunu özününkü kimi qəbul edir.

Qeyd edək ki, mövsümün sonuna bir tur qalmış 83 bal toplayan Atletiko La Liqanın turnir cədvəlində çempionluq uğrunda mübarizədə yeganə rəqibi - "Real"ı iki xal qabaqlayaraq birinci yeri tutur. Həlledici görüşdə komanda  "Valyadolid"lə qarşılaşacaq.

Xatırladaq ki, "Barselona" "Selta"ya məğlub olaraq çempionluq şansını itirib.