“İnter Mayami”nin hücumçusu Lionel Messi ciddi zədə alan “Əl-Hilal”ın futbolçusu Neymara dəstək olub.

Rekord.az xəbər verir ki, Messi sosial şəbəkə hesabında Neymarla şəklini paylaşaraq, “Sənə çoxlu güc arzulayıram” yazıb.

Braziliya millisi DÇ-2026-nın seçmə mərhələsinin qrup mərhələsinin 4-cü turunun matçında Uruqvayla qarşılaşıb (0:2). İlk hissədə “sambaçılar”ın hücumçusu Neymar ciddi zədələnib. O, dizindən zədə alıb və meydanı xərəkdə tərk etmək məcburiyyətində qalıb.