"Barselona" kapitanı Lionel Messi olmadan ardıcıl 10 matçdır məğlub olmur.

Rekord.az xəbər verir ki, bu barədə "Opta Sports" məlumat yayıb.

Kataloniya klubu son olaraq dünən İspaniya Superkubokunun yarımfinalında "Real Sosyedad"la görüşdə argentinalı hücumçu oynamadan qələbə qazanıb (əsas vaxt - 1:1, penaltilər seriyası - 3:2).

Bundan əvvəl Messinin meydana çıxmadığı 9 görüşündə 7-də isə "Barselona" qələbə qazanıb, 2-də heç-heçə edib.

Messi zədə səbəbindən Superkubokun final qarşılaşmasını da buraxa bilər.