Qadın voleybolçulardan ibarət Azərbaycan millisi Qızıl Avropa Liqasında növbəti oyununa çıxıb. "Rekord.az" xəbər verir ki, komandamız 3-cü tur çərçivəsində Estoniya yığması ilə üz-üzə gəlib. 

Ölkəmizin ev sahibliyi etdiyi bu turun ilk görüşü voleybolçularımızın üstünlüyü ilə keçib. 3 set davam edən matçda Faiq Qarayevin yetirmələri rəqibi quru hesabla məğlub ediblər və növbəti xallarını qazanıblar.

Qeyd edək ki, sabah millimiz üçün istirahət günüdür. Komandamız növbəti oyununa  iyunun 2-də çıxacaq. Rəqibimiz isə Avstriya olacaq.

Qızıl Avropa Liqası

III tur

   Azərbaycan - Estoniya 3:0 (25:21, 25:12, 25:20)