![photo](https://rekord.az/uploads/5/18369bdf-52f9-3132-94a9-c4f9fe9bef37-850-600x300.jpg)
Millimiz Avropa çempionatının yarımfinalına yüksəldi
- 2024-07-24 23:00
- 213
Azərbaycanın 18 yaşadək qızlardan ibarət basketbol millisi Kosovonun paytaxtı Priştinada təşkil olunan Avropa çempionatının C divizionunda bu gün növbəti matçına çıxıb.
Rekord.az xəbər verir ki, Evren Alkayanın rəhbərlik etdiyi komanda yer aldığı B qrupunda Gürcüstan yığması ilə qarşılaşıb.
Qarşılaşma yığmamızın 74:68 hesablı qələbəsi ilə yekunlaşıb.
Bu qalibiyyət Azərbaycan millisini Avropa çempionatının yarımfinalına daşıyıb.
İlk oyunda Albaniyanı 72:53 hesabı ilə məğlub edən millimiz qrupdakı sonuncu görüşünü iyulun 25-də Ermənistana qarşı keçirəcək.