
Millimiz bu gün Yunanıstanla qarşılaşacaq
- 11 Mar 2025 13:07
- 75
Azərbaycanın futzal millisi AVRO-2026-nın əsas mərhələsində növbəti oyununu bu gün keçirəcək.
Rekord.az xəbər verir ki, Vitali Borisovun baş məşqçisi olduğu komanda 4-cü turda Afinada Yunanıstanın qonağı olacaq.
5-ci qrupun qarşılaşması Bakı vaxtı ilə saat 21:00-da start götürəcək. Görüşü Bolqarıstandan olan hakimlər briqadası idarə edəcək.
Qeyd edək ki, V qrupda Xorvatiya 9 xalla liderdir. Yunanıstan 4 xalla ikinci, Azərbaycan 2 xalla üçüncü, İsveç 1 xalla sonuncu - dördüncüdür.
AVRO-2026, əsas mərhələ
V qrup
21:00. Yunanıstan - Azərbaycan
Hakimlər: Trayan Ençev, Kaloyan Kirilov, İvan İvanov (hamısı Bolqarıstan).
Hakim-inspektor: Sven Eyhler (Almaniya).
UEFA nümayəndəsi: Andrey Miadzvedzeu (Belarus).
Afina. DAİS Sports Hall.