Futbol üzrə Azərbaycan millisi bu gün növbəti sınağına çıxıb.

Rekord.az xəbər verir ki, yığmamız UEFA Millətlər Liqasının qrup mərhələsi çərçivəsində beşinci oyununu keçirib.

C Liqasında mübarizə aparan komandamız Qəbələdə Estoniya yığmasını qəbul edib. Şotlandiyalı FIFA referisi Con Biton idarə etdiyi bu oyunda qapılara qol vurulmayıb.

Xatırladaq ki, yığmamız əvvəlki oyunlarının hamısında uduzmuşdu. Hətta Estoniya ilə səfərdəki görüş də yığmamızın 1:3 hesablı məğlubiyyəti ilə bitmişdi. Bu nəticələrdən sonra yığmamız növbəti mövsümü böyük ehtimalla D Liqasında keçirəcək.

UEFA Millətlər Liqası
C Liqası, 1-ci qrup
16 noyabr

Azərbaycan - Estoniya 0:0
Baş hakim: Con Biton (Şotlandiya).
Qəbələ şəhər stadionu. Saat 18:00.

Azərbaycan: 23. Rza Cəfərov, 3. Elvin Cəfərquliyev, 6. Ozan Can Kökçü, 7. Coşqun Diniyev, 11. Ramil Şeydayev, 13. Rahil Məmmədov, 15. Bədavi Hüseynov (k), 17. Toral Bayramov, 20. Aleksey İsayev, 21. Abbas Hüseynov, 22. Musa Qurbanlı.
Ehtiyat oyunçular: 1. Nicat Mehbalıyev, 12. Aydın Bayramov, 2. Amin Seydiyev, 4. Bəhlul Mustafazadə, 5. Anton Krivotsyuk, 8. İsmayıl İbrahimli, 9. Nəriman Axundzadə, 10. Mustafa Əhmədzadə, 14. Zamiq Əliyev, 16. Səbuhi Abdullazadə, 18. Ceyhun Nuriyev, 19. Xəyal Nəcəfov.
Baş məşqçi: Fernando Santos.
Estoniya: 12. Karl Yakob Heyn, 4. Mihael Şyonninq-Larsen, 5. Rokko Robert Şeyn, 8. Henri Anyer, 11. Kevor Palumets, 13. Maksim Paskotsi, 16. Yoonas Tamm, 17. Martin Miller, 18. Karol Mets (k), 20. Markus Poom, 23. Vlasi Sinyavski.
Ehtiyat oyunçular: 1. Matvey İqonen, 22. Karl Vallner, 2. Markus Soomets, 3. Yozef Saliste, 6. Rasmus Peetson, 7. Robi Saarma, 9. İoan Yakovlev, 10. Sergey Zenyov, 14. Patrik Kristal, 15. Aleks Tamm, 19. Mixael Lilander, 21. Martin Vetkal.
Baş məşqçi: Yürgen Henn.