Türkiyədə qadın voleybolçuların birinciliyində növbəti oyunlar baş tutub. "Rekord.az" xəbər verir ki, Azərbaycan millisinin üzvləri Ayşən Abduləzimova və Nikalina Başnakovanın şərəfini qoruduqları "Sarıyer BLD" tur çərçivəsində "Yeşilyurt" klubu ilə üz-üzə gəlib. 

Görüş voleybolçularımzın komandası üçün uğursuz alınıb. Doğma meydanda baş tutan matçda "Sarıyer BLD" rəqibindən bir set də ala bilməyib. 3 hissə davam edən oyunda meydan sahibləri quru hesabla uduzublar - 0:3 (). 

Komandasının xalsız qaldığı qarşılaşmada blokçumuz Ayşən Abduləzimova 6 dəfə fərqlənib. O, bu xalların 4-nü hücumda, 2-ni isə blokda qazanıb. Hücumçumuz Nikalina Başnakova isə əvəzetmə ilə oynayıb. O, meydanda olduğu müddətdə xal qazanmayıb.