“Roma”nın baş məşqçisi Joze Mourinyo A seriyasının ilk turunda “Fiorentino” ilə keçirilən qarşılaşmadan (3:1) sonra fikirlərini bildirib.

Rekord.az xəbər verir ki, Mourinyo komandaya yeni qoşulan futbolçular haqda da danışıb.

O, özbək futbolçu Eldor Şomurodovun üstünlüklərini də vurğulayıb:

“Kimisə ehtiyat oyunçular skamyasında saxlamaq asan deyil. Şomurodov həm solda oynaya, həm də Abrahamla birgə tandem təşkil edə bilər.

Amma indi onların heç biri hazırlığa başladığımız ilk gündən komandada olanlarla eyni səviyyəyə çatmayıb. Ona görə də hücumun arxasında Pelleqrinidən istifadə etmək qərarına gəldim.

Ancaq onu da deməliyəm ki, Eldor həm də boş zonalarda olduqca təhlükəli futbolçudur”.