Naxçıvan Şahmat Mərkəzində Vətən müharibəsi şəhidləri Məmmədov Sahil Rasim oğlu, Seyidov Nihat Mehman oğlu və Cəmiyev Aşur Bəybala oğlunun əziz xatirəsinə həsr olunmuş şahmat birinciliyi keçirilib.

Rekord.az xəbər verir ki, Naxçıvan şəhər ümumtəhsil məktəblərinin V-VIII sinif şagirdlərindən ibarət komandalarını əhatə edən yarışa ümumilikdə 60 şagird qatılıb.

Açılış mərasimində şəhidlərin xatirəsi bir dəqiqəlik sükutla yad edilmişdir. Şəhid valideynləri İlhamə Seyidova, Bəybala Cəmiyev və Rasim Məmmədov çıxış edərək təşkilatçılara təşəkkürlərini bildirmiş, qəhrəmanlarımızın gənc nəslə tanıdılması istiqamətində görülən işlərin sevindirici olduğunu vurğulayıblar. Sonra şəhid valideynlərinə yarışdan xatirə olaraq fəxri fərman təqdim edilib.

İlk üç yerin sahibi olan komandaların üzvlərinə diplom təqdim edilib.

Sıralama:

1-ci yer - 3 nömrəli tam orta məktəb

2-ci yer - 12 nömrəli tam orta məktəb

3-cü yer - 14 nömrəli tam orta məktəb