"Qarabağ"ın sabiq hücumçusu Dino Ndlovu Çindən ayrılmağa hazırlaşır.

Rekord.az xəbər verir ki, Cənubi Afrika Respublikasından (CAR) olan legioner "Çjetszyan Qrintaun"da son aylarını keçirir.

Buna səbəb Çində əcnəbi futbolçuların sayına və maaş büdcələrinə tətbiq olunan məhdudiyyətdir. Üstəlik, afrikalı forvard klub rəhbərliyi və məşqçiləri ilə problem yaşayır.

Odur ki, CAR-lı futbolçu 3 il sonra Azərbaycana qayıtmaq niyyətindədir. O, artıq “Qarabağ” rəhbərliyi ilə əlaqə saxlayıb və keçmiş komandasında çıxış etmək istədiyini bildirib.

Dino Çindən qazandığı məbləğdən daha aşağı şərtlərlə bura dönə biləcəyini söyləyib.

Ndlovu 2016-18-ci illərdə "Qarabağ"da forma geyinib. 2018-ci ilin yanvarında Ağdam təmsilçisindən "Çjetszyan Qrintaun"a transfer olunub. (sportinfo.az)