Neftçala Olimpiya İdman Kompleksində "İdman hamı üçün" layihəsi çərçivəsində yunan-roma və sərbəst güləş idman növləri üzrə nümunəvi çıxışlar göstərilib.

Rekord.az xəbər verir ki, nümunəvi çıxışlar məşqçi-müəllimlər Ələkbərov Fərrux Rövşən oğlu və Musayev Xalid Mirxamməd oğlu tərəfindən nümayiş olunub.

Ümumilikdə 42 nəfər yeniyetmə və gəncin iştirakı ilə keçirilən tədbirdə məşqçi-müəllimlər iştirakçılara bu idman növünə olan marağın artmasından danışaraq, praktiki olaraq müxtəlif texniki fəndlər göstərdi. Nümunəvi çıxışların keçirilməsində məqsəd güləş idman növünün təbliği, texniki və taktiki hazırlıqların yüksəldilməsi, sağlam həyat  tərzinə çağırışdan ibarət olmuşdur.